Shqipëria në mesin e vendeve me vdekje më të larta nga aksidentet në Evropë - Bota Sot
Shqipëria në mesin e vendeve me vdekje më të larta nga aksidentet në Evropë

Shqipëria

Shqipëria në mesin e vendeve me vdekje më të larta nga aksidentet në Evropë

Më: 9 dhjetor 2018 Në ora: 09:09
Foto ilustrim

Organizata Botërore e Shëndetësisë ka publikuar të dhënat e reja lidhur me vdekjet në aksidentet rrugore për 100 mijë banorë.

Me 13.7 vdekje për 100 mijë banorë, Shqipëria renditet në mesin e vendet me nivelin më të lartë të vdekjeve nga aksidentet në Evropë.

Raporti thekson se Rusia ka rrugët më vdekjeprurëse në Evropë, me 18 vdekje për 100 mijë banorë. Më pas renditet Armenia me 17.1, Bosnjë Hercegovina me 15.7, Gjeorgjia me 15.3 dhe Shqipëria dhe Ukrahnia me 13.7, shkruan Tch.

Norvegjia dhe Zvicra, me përkatësisht 2.7 dhe 2.8 kanë rrugët më të sigurta për të udhëtuar në Evropë. Përdoruesit e rrugës në këto vende kanë 5 herë më pak të ngjarë që të vriten në një aksident rrugor se në Shqipëri dhe 7 herë më pak se në Rusi.

Rekordin më të keq në botë e ka Afrika me 26.6 vdekje për 100 mijë banorë, e ndjekur nga Azia Juglindore me 20.7, sipas grafikëve që janë publikuar nga Euronews dhe i përkasin vitit 2016.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...