Udhëtimi përmes një aeroporti nuk është gjithmonë një eksperiencë emocionuese, kështu që zgjedhja e restoranteve, bareve dhe argëtimi në terminal mund të jetë një sfidë jo e lehtë.
Por, sipas mediave të huaja, ka një aeroport që ka arritur majën – dhe jo pa shkas tani gëzon çmimin e të qenit Aeroporti më i Mirë në botë në çmimet Skytrax të vitit 2019.
Bëhet fjalë për Aeroportin e Changi në Singapor i cili ka kryesuar listën për të shtatin vit radhazi.
Në fakt, aeroporti ka pësuar kohët e fundit një përmirësim të madh që ka kushtuar 1.7 miliard dollarë, dhe ka aq shumë në ofertë sa që udhëtarët do të shpresonin që fluturimet e tyre të vonohen.
