Lajmi i hidhur në basketbollin kroat!
Ka ndërruar jetë në moshën 52-vjeçare ish basketbollistja e famshme Zhana Lelas.
“Një lajm i hidhur mbërriti nga Spliti në këtë mëngjes.
Në moshën 52 -vjeçare, basketbollistja e famshem kroate, trajnerja e ekipit të të rejave të kombëtares kroate, Zhana Lelas, na la përgjithmonë, një mik i familjes dhe babai i vajzës, konfirmojnë lajmin për media kroate “24 sata”.
“Ajo ishte një nga basketbollistet më të talentuara. Ajo luajti për përfaqësuesen e ish -Jugosllavisë dhe Kroacisë për një kohë të gjatë, dhe suksesi i saj më i madh ishte medalja e argjendtë në Lojërat Olimpike në Seul në vitin 1988. Tre vjet më vonë, ajo fitoi të argjendën në EuroBasket në Izrael”, shkruan me tej.
“Një nga basketbollistet më të mira kroate të të gjitha kohërave, Zhana Lelas nga Spliti, ndërroi jetë në moshën 52 -vjeçare
Ajo lindi në Split më 28 maj 1970. Ajo e filloi karrierën e saj në 1983 në Jugoplastikën e atëhershme. Për shkak të talentit të saj të jashtëzakonshëm, ajo luajti për ekipin e parë të "të verdhëve" në moshën 16 vjeçare. Ajo ka pasur karrierë jashtëzakonisht të pasur basketbolli. Ajo luajti në Kroaci, Slloveni (Jezhice), Itali (Messina), Francë (Strasburg) dhe Spanjë (Zaragoza)”, shkruan media kroate “Slobodna Dalmacija”.
Në vitin 1995, kishte një mesatare prej 20.9 pikë në lojë.
Ajo drejtoi Akademinë e Basketbollit, e cila po bëhet një nga ekipet më të mira të basketbollit për femra në Kroaci. Klubi u themelua në vitin 2016.
Për shkak të gjendjes së dobët të basketbollit të femrave në zonën e Qytetit të Splitit dhe qarkut, Lejla vendosi të fillojë me akademi. Zhana u ndihmua nga burri i saj Vjekoslav Lokica, një trajner futbolli.
