Western Digital ka këshilluar pronarët e disqeve të jashtme të My Book, që t’i shkyçin nga interneti sa më shpejtë që të munden – kjo për shkak të rrezikut të humbjes së të dhënave.
Prodhuesi i njohur i disqeve të jashtme, këshillon përdoruesit e tyre që sa më shpejtë t’i shkyçin nga rrjeti – për shkak të problemeve që mund të kenë dhe t’ju shkaktojnë humbjen e të dhënave.
Inxhinierët e Western Digital janë duke hetuar shkakun e këtyre problemeve, të cilët nga dje janë shfaqur tek përdoruesit e tyre.
E derisa të mos zgjidhet ky problem, rekomandohet të përcillen forumet që trajtojnë këtë çështje dhe njësinë për përkrahje teknike – gjithmonë duke shpresuar se disqet e përdoruesve nuk janë prekur nga ky problem.
