Të enjten, me 26 gusht, me fillim nga ora 12:00 do të mbahet Finalja Kombëtare e ClimateLaunchpad Kosovo 2021.
Kjo garë do të organizohet në formatin online dhe do të shfaqet direkt në faqen e Facbook-ut.
Pas përfundimit të fazave përgatitore të 8 ekipeve finaliste në sesionet trajnuese këto 2 muaj, Finalja Kombëtare me 26 gusht bën përzgjedhjen e 3 ekipeve me idetë më të mira, për të vazhduar tutje në Regional dhe Global Finals të ClimateLaunchpad.
Ekipet pjesëmarrëse do të vlerësohen për prezantimet e tyre nga juria e pavarur që përbëhet nga ndërmarrës të suksesshëm dhe me eksperiencë, më saktësisht nga Mërgim Cahani (Gjirafa), Rina Fetahaj (Sustainability Leadership Kosova), Visar Ramajli (KIVO & REKS) dhe Vllaznim Xhiha (Fondacioni Unë e Du Kosovën).
Ekipet fituese, përveç shpërblimeve dhe mundësive të tjera në Finalen Kombëtare, vazhdojnë rrugëtimin duke garuar me shtete të tjera në Regional dhe Global Finals, ku do të kenë rastin të ekspozohen tek një numër i madh i investitorëve nga mbarë bota.
