Një nga tre “kumbarët e AI-s”, ka thënë se teknologjia nuk do të pushtojë botën dhe nuk do të shkatërrojë përgjithmonë vendet e punës.
Yann LeCun tha se frika e disa ekspertëve që AI përbën një kërcënim për njerëzimin ishte “qesharake”.
“Kompjuterët do të bëheshin më inteligjentë se njerëzit, por kjo ishte shumë vite larg dhe ‘nëse e kuptoni se nuk është i sigurt, thjesht mos e ndërtoni’”, tha ai.
Një këshilltar i qeverisë së Mbretërisë së Bashkuar kohët e fundit i tha BBC-s se disa teknologji të inteligjencës artificiale të fuqishme mund të kenë nevojë të ndalohen.
Në vitin 2018 Profesori LeCun fitoi çmimin Turing me Geoffrey Hinton dhe Yoshua Bengio për përparimet e tyre në AI dhe të tre u bënë të njohur si “kumbarët e AI-s”.
Profesori LeCun tani punon si shkencëtar kryesor i AI-s në Meta, kompania mëmë e Facebook, Instagram dhe WhatsApp. Ai nuk pajtohet me bashkëkumbarët e tij se AI është një rrezik për ekzistencën e njerëzimit.
“A do ta pushtojë AI botën? Jo, ky është një projeksion i natyrës njerëzore në makina”, tha ai. Do të ishte një gabim i madh të mbash kërkimin e AI-s ‘në dry’”, shtoi ai.
Njerëzit që shqetësoheshin se AI mund të përbënte rrezik për njerëzit e bënë këtë sepse nuk mund ta imagjinonin se si mund të monitorohej, argumentoi Profesori LeCun.
“Është sikur ta kishit pyetur dikë në vitin 1930 se si do ta bëni një turbo-jet të sigurt? Turbo-jetët nuk ishin shpikur ende në vitin 1930, ashtu siç nuk është shpikur ende AI e nivelit njerëzor”.
“Aeroplanët Turbo përfundimisht u bënë tepër të besueshëm dhe të sigurt”, dhe e njëjta gjë do të ndodhte me AI-n”, potencoi ai.
LeCun se nuk kishte asnjë dyshim që AI do të tejkalonte inteligjencën njerëzore. Por studiuesve u mungonin ende konceptet thelbësore për të arritur atë nivel, i cili do të kërkonte vite, nëse jo dekada për të arritur.
Është argumentuar se AI ka potencialin për të zëvendësuar shumë vende pune dhe disa kompani kanë ndaluar rekrutimin për role të caktuara.
“Kjo nuk do të lërë shumë njerëz pa punë përgjithmonë”. Por puna do të ndryshonte sepse ne nuk e kemi idenë se cilat do të jenë punët më të spikatura pas 20 vjetësh”, deklaroi profesori LeCun për BBC.
