Telefonat celularë do të ndalohen në shkollat holandeze, njoftoi sot qeveria holandeze.
Të njëjtin fat do të kenë tabletët dhe orët inteligjente, të cilat do të ndalohen në klasa nga 1 janari i vitit të ardhshëm.
Ndalimi është rezultat i një marrëveshjeje ndërmjet Ministrisë, shkollave dhe organizatave joqeveritare.
Qeveria në Amsterdam specifikon se përdorimi i këtyre pajisjeve do të lejohet vetëm nëse ato nevojiten gjatë orëve të aftësive dixhitale, për arsye mjekësore ose për personat me aftësi të kufizuara.
“Edhe pse celularët janë të ndërthurur me jetën tonë, ata nuk kanë vend në klasë”, tha ministri holandez i Arsimit, Robert Dijkgraf.
“Nxënësit duhet të jenë të përqendruar dhe duhet t’u jepet mundësia të studiojnë mirë, dhe celularët janë një shpërqendrim, këtë e tregojnë padyshim kërkimet shkencore. Ne duhet t’i mbrojmë studentët nga kjo”, shtoi Dijkgraf.
