Disa fotografi nga forumi ushtarak Armiya-2023 në Rusi thuhet se tregojnë se ekziston një kompani kineze e paspecifikuar që prezanton dronin e saj vetëvrasës të quajtur Sunflower 2000.
Dhe bazuar në pamjen e tij dhe specifikimet e deklaruara, ai është në thelb një kopje e shahed-136 të prodhuar nga Irani, shkruajnë disa media të huaja.
Megjithatë ka një ndryshim të vogël.
Inxhinierët kinezë duket se po e konsiderojnë produktin e tyre “më të teknologjisë së lartë” sesa zëvendësuesin origjinal iranian ose rus, për shkak se siç pretendohet, e bën atë “më të përshtatshëm për përdorim praktik”.
Burime të ndryshme përmendin rrezen e sulmit prej 1500 ose 2000 km, një shpejtësi të lëvizjes që varion nga 160 në 220 km/h.
Këto specifikime janë pak a shumë të ngjashme me ato të paraqitura nga Shahed-136, i cili gjithashtu mban emrin Geran-2 në Rusi.
Në të njëjtën kohë, “pesha e lëshimit” të Sunflower 200 është vetëm 175 kg në krahasim me 240 kg të njohur të Shahed-136.
Aktualisht nuk dihet se cilat do të jenë ose janë ritmet e prodhimit të municioneve të reja të prodhuara nga Kina, dhe më e rëndësishmja, sa prej tyre i ofrohen Rusisë në këtë ngjarje të teknologjisë ushtarake.
