Qualcomm gjatë fundjavës ka lansuar Snapdragon 7s Gen 2 – një çip i ndërtuar në teknologjinë e procesit 4nnm, e cila ka për qëllim të jetë një zgjidhje për prodhuesit e telefonave të cilët dëshirojnë një platformë të aftë e cila mund të përshtatet me një buxhet shumë më të ulët se çipat Gen 8.
CPU i 7s është më pak i fuqishëm se çdo çip tjetër i serisë Snapdragon 7, ISP gjithashtu nuk është aq mbresëlënës, duke treguar një pozicionim pak më të ulët në përgjithësi.
Disa thashetheme sugjeruan se Snapdragon 7s Gen 2 mund të mbërrijë me serinë Redmi Note 13, të planifikuar të lansohet këtë muaj.
Emri mund të tingëllojë konfuz, sepse nuk kishte një 7s të gjeneratës së parë ose një Snapdragon 7 të gjeneratës së dytë, shkruan GSM Arena.
Gjithashtu, ne nuk e dimë se çfarë do të thotë “s”, por është qartë një shënues për specifikat e shkurtuara.
CPU ka katër bërthama në 2.4 GHz për performancë dhe katër të tjera me 1.95 GHz për efikasitet.
GPU Adreno është e paspecifikuar, por është renditur për të mbështetur rezolucionin FHD+ në 144 Hz.
Platforma e lidhjes FastConnect 6700 është një hap prapa nga 6900 në Snapdragon 7+ Gen 2, dhe me të shpejtësia maksimale e DL-së është vetëm 2.9 Gbps, ndërsa Bluetooth-i i mbështetur është i kufizuar në 5.2, i cili ende mbështet audio me energji të ulët.
ISP Spectra mbështet një telefon me një kamerë të vetme deri në 200 MP dhe kapje video 4K me 30 fps. Memoria është LPDRR5 në 3200 MHz, ndërsa veçoritë e tjera përfshijnë USB-C 3.1 dhe Quick Charge 4+.
Qualcomm nuk publikoi zyrtarisht një kornizë kohore në të cilën do të shohim pajisjet me çipin e ri.
