OpenAl ka lansuar një aplikacion të personalizuar Appstore, ku përdoruesit mund të krijojnë vetë GTP-të varësisht prej asaj se çfarë kërkojnë nga chatbot-i i Inteligjencës Artificiale (Al).
“Ne po zhvillojmë Appstore për GPT, për t’iu ndihmuar të gjeni versione të dobishme të asaj se çfarë ju kërkoni”, tha OpenAl, duke theksuar se tashmë GPT-të e krijuara mund të përdoren për fusha të ndryshme të ndara specifike.
Bëhet e ditur se, zhvilluesit e Appstore do të paguhen në bazë të angazhimit të përdoruesve, dhe se sa përditësimi i ri do të jetë i dobishëm për njerëzit.
“GPT-të janë një mënyrë e re për këdo që dëshiron të jetë i dobishëm në jetën e përditshme, në detyra specifike, punë ose shtëpi”, tha kompania.
Deri më tash janë krijuar më shumë se 3 milionë GPT nga vetë përdoruesit, pasi ndërtimi i tyre është i thjeshtë dhe nuk kërkon ndonjë aftësi kodimi.
Ky funksion ishte paralajmëruar kohë më parë nga shefi ekzekutiv i OpenAl, Sam Altman, por prezantimi i tij u vonua për shkak të largimit të përkohshëm të Altman nga kompania.
