Përfundojnë korsitë e biçikletave në Rrugën e “Kavajës” - Bota Sot
Përfundojnë korsitë e biçikletave në Rrugën e “Kavajës”

Tirana

Përfundojnë korsitë e biçikletave në Rrugën e “Kavajës”

Më: 30 gusht 2019 Në ora: 13:40
Përfundojnë korsitë e biçikletave në Rrugën e “Kavajës”

Tirana çdo ditë e më shumë po bëhet një qytet ku mund ta gjejë veten gjithkush. Bashkia e Tiranës i ka kushtuar një rëndësi të veçantë politikave ambientaliste, që nxisin përdorimin e mjeteve që nuk ndotin ajrin, siç është edhe përdorimi i biçikletave. Kësaj here ndërmarrjet bashkiake kanë përfunduar një tjetër korsi të dedikuar vetëm për dy rrotakët.

Bëhet fjalë për korsitë e dedikuara në Rrugën e “Kavajës”, të cilat janë pajisur me të gjithë sinjalistikën e nevojshme për të lehtësuar lëvizjen e biçikletave. Për ndërtimin e tyre, bashkia e Tiranës shfrytëzojë hapësirën mes dy anëve të rrugës që shërben për makina, ndërsa korsitë e biçikletave kalojnë përmes pemëve dhe bimëve dekorative.

Lajmin e ka dhënë kryetari i Bashkisë së Tiranës, Erion Veliaj, i cili ndër të tjera bën me dije se ndërmarrjet e bashkisë punuan natën që të mos bëheshin pengesë për qarkullimin e automjeteve. “Tirana 24/7! Shfrytëzuam orët e natës, për të vijëzuar korsinë e biçikletave te “Rruga e Kavajës”. Tani mbetet vetëm që secili prej nesh të respektojë hapësirën e këmbësorëve, çiklistëve dhe makinave”, shkroi Veliaj.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...