Reshjet e shiut kanë përfshirë të gjithë territorin e Shqipërisë ditën e sotme, duke shkaktuar përmbytje nëpër shtëpi dhe rrugë.
Në qytetin e Tiranës, situata vazhdon të jetë e rënduar, me rrugë të përmbytura, duke shkaktuar një kaos në trafik.
Lëvizja me makinave në rrugët e Tiranës është paralizuar në rrugën Kamëz-Tiranë, Mine Peza, në rrugën Don Bosko, në Rrugën e spitalit Ushtarak, në Kombinat, në zonën e Astirit etj.
Ndërkohë Lumi Lana është fryrë por nuk raportohet të ketë dalë nga shtrati. Kryebashkiaku Erion Veliaj u bën thirrje qytetarëve që të evitojnë lëvizjet e panevojshme.
