Vdes foshnja në Tiranë, familjarët akuzojnë mjekët - Bota Sot
Vdes foshnja në Tiranë, familjarët akuzojnë mjekët

Tirana

Vdes foshnja në Tiranë, familjarët akuzojnë mjekët

Më: 8 dhjetor 2018 Në ora: 17:19
Foto ilustrim

Një foshnje ka vdekur te Materniteti i ri ''Koço Gliozheni’ në Tiranë.

Një nënë nga Saranda ka lindur dy ditë më parë foshnjën e saj, pas tre ditësh që ishte në regjim spitalor në këtë maternitet. 

Nëna ndodhej nën kujdesin e mjekëve por pas disa komplikacioneve, ajo iu nënshtrua një operacioni.

Sipas burimeve policore per report foshnja ka lindur e pajetë. Nga ana tjetër, familjarët pretendojnë se foshnja ka lindur me shenja jete dhe për këtë arsye kanë bërë kallëzim ndaj mjekëve për neglizhencë.

Në denoncimin që kanë bërë në Polici, familjarët janë shprehur se mjekët nuk e kanë futur në operacion vajzën në momentin e duhur, cfarë ka sjellë më pas vdekjen e foshnjës.

Policia e Tiranës, menjëherë pas denoncimit, ka marrë në pyetje 5 mjekë të maternitetit “Koço Gliozheni’”, të cilët janë shprehur për të se e kanë futur në operacion nënën fill pas komplikacioneve dhe se nuk kishin cfarë të bënin më shumë, pasi foshnja kishte vdekur. Tanimë, Policia është në pritje të prindërve të kësaj foshnjeje, të cilët ende nuk kanë shkuar për të dhënë dëshmi.

Shfaq komentet
comments powered by Disqus
Sot mund të lexoni Shfletoni kopertinat