2 receta pijesh freskuese për këto ditë të nxehta vere - Bota Sot
2 receta pijesh freskuese për këto ditë të nxehta vere

Ushqime

2 receta pijesh freskuese për këto ditë të nxehta vere

Më: 29 qershor 2020 Në ora: 16:10
Foto ilustrim

Uji është faktori kryesorë dhe shumë i rëndësishëm gjatë nxehtësisë së sezonit të verës.

Gjatë verës pirja e sa më shumë uji, i bën mirë jo vetëm shëndetit, por edhe bukurisë sonë: parandalon mbajtjen e lëngjeve dhe na lejon të kemi një lëkurë të shndritshme, të hidratuar dhe të ndihemi të lehtë.

Duhet evituar konsumi i tepërt i pijeve me sheqer, gaz ose alkool dhe të zëvendësohen me pije freskuese të përgatitura me përbërës natyralë, akoma më mirë nëse i keni përgatitur në shtëpi.

2 receta pijesh freskuese të përgatitura në shtëpi:

Image

1. Pije freskuese me xhinxher

Përbërësit:

750 ml ujë

1 limon

6 cm xhinxher i freskët

Zjeni ujin dhe hidheni në një kanë së bashku me limonin dhe xhinxherin e prerë në feta të rrumbullakëta, transmeton Living.al. Lëreni të paktën 20 minuta në infuzion dhe shërbejeni në temperaturën e vet ose të ftohtë.

Image

2. Recetë pijesh freskuese me qitro dhe mente

Përbërësit:

3 litra ujë

3 qitro

500 gr sheqer

Një tufë mente

Zjeni ujin së bashku me lëkurat e qitrove dhe pas 10 minutash shtoni edhe tulin e prerë në copa bashkë me sheqerin dhe lërini në zjarr për gati dy orë. Kullojeni, shtoni menten dhe lëreni të ftohet. Ruajeni në frigorifer.

Shfaq komentet
comments powered by Disqus
Sot mund të lexoni Shfletoni kopertinat