Si t’i mbani të freskëta arrat sa më gjatë

Ushqime

Si t’i mbani të freskëta arrat sa më gjatë

Më: 23 tetor 2020 Në ora: 09:12
Foto Ilustrim

Artikulli më i preferuar dhe më i kërkuar i dimrit janë arrat!

Se a na duhen për ëmbëlsira festash, torta, në ditë agjërimi apo si zbukurim, i takon secilës amvise të shohë.

Të qëndrojnë sa më gjatë

Në mënyrë që arrat të qëndrojnë të freskëta për aq kohë sa të jetë e mundur, lërini të qëndrojnë pas vjeljes.

Në varësi të motit, duhen dy deri në gjashtë javë për t’u tharë në një vend të ajrosur (në tavan ose tarracë e mbuluar).

Më pas ruajini në rrjeta ose arka më të vogla dhe të cekëta.

Magazinimi

Dhe në mënyrë që të mbajnë freskinë e tyre për muaj të tërë, nevojitet magazinimi i duhur.

Është më mirë t’i mbani në një dhomë të ajrosur në një temperaturë prej 10 deri në 17 gradësh.

Sillini në një dhomë më të ngrohtë vetëm nëse do t’i përdorni për një ose dy javët e ardhshme.

Në temperaturën mbi 20 gradë, bërthama e pasur me yndyrë digjet shpejt në lëvore.

Në depot e errëta, shumë të ftohta dhe hermetike (vazo në frigorifer), ju mund të ruani arra të shtypura edhe për katër javë të tjera.

Paketimi hermetik është i rëndësishëm në mënyrë që bërthama të mos humbasë aromën e saj dhe të marrë erërat e ushqimeve të tjera.

Për çfarë janë të mira arrat?

Krahasuar me të gjitha frutat e tjera të thata, arrat përmbajnë përqendrimin më të lartë të acideve yndyrore omega-3.

Së bashku me yndyrat e shëndetshme, arrat përmbajnë mangan, bakër, magnez, fosfor, vitaminë B6, folatë dhe tiaminë.

Arrat sigurojnë një nivel jashtëzakonisht të lartë të vitaminës E në formën e gamma-tocopherol. Sidomos për shëndetin kardiovaskular tek meshkujt, kjo formë e vitaminës E i mbron ata nga problemet me zemrën.

Përfitimet shëndetësore të arrave përfshijnë aftësinë për të luftuar depresionin, për të ndihmuar në parandalimin e kancerit dhe për të përmirësuar shëndetin e trurit, zemrës dhe sistemit riprodhues.

Së fundi, ekspertët thonë se arrat ose produktet e arrave, mund të jenë një potencial i madh, një ilaç për të ulur kolesterolin e keq në gjak.

Në mënyrë që të merrni përfitime nga arrat, atëherë rekomandohet që të konsumoni 5 deri në 7 arra në ditë.

commentFirst article
Sot mund të lexoni Shfletoni kopertinat