Kjo recetë është marrë nga emisioni "Në kuzhinë me mamin"
Përbërësit:
1 panxhar mesatar
1 vezë
200 gramë spinaq
½ filxhan çaji bizele
2 karota
4-5 lugë miell gruri
4-5 lugë miell misri
200 gramë djathë kaçkavall i grirë
1 qepë të vogël të thatë ose të njomë
piper
majdanoz
kopër
Për dekorim:
1 domate
1 kastravec
1 degë majdanoz
Përgatitja:
Qoftet me karota
Ziejmë karotat, i kullojmë nga lëngu të cilin e ruajmë më vete, i kalojmë në mikser, e përziejmë me një pjesë të vezës së rrahur më parë, miell gruri dhe misri sa të lidhen, kaçkavall, kripë e piper. I bëjmë si topa të vegjël sa një kokërr arre dhe i lëmë mënjanë.
Qoftet me bizele dhe spinaq
Skuqim bizelet me qepën e prerë imët, shtojmë koprën, majdanozin, pak nga lëngu i karotës, gjethet e spinaqit të prera dhe i lëmë të ziejnë pak. I kalojmë në mikser, e përziejmë me një pjesë të vezës së rrahur më parë, miell gruri dhe misri sa të lidhen, kaçkavall, kripë e piper. I bëjmë si topa të vegjël sa një kokërr arre dhe i lëmë mënjanë.
Qoftet me panxhar
Ziejmë panxharin, e grijmë imët në mikser, e përziejmë me pjesën e mbetur të vezës së rrahur, miell gruri dhe misri sa të lidhen, kaçkavall, kripë e piper. I bëjmë si topa të vegjël sa një kokërr arre dhe i lëmë mënjanë. Në një tenxhere vëmë të ziejë lëngun e karotave, të cilit, në varësi të sasisë së qofteve, mund t’i shtojmë dhe pak ujë. Hedhim brenda, të parat, qoftet me karota dhe qoftet me bizele e spinaq. Pas 5 minutash i heqim me ndihmën e një luge me vrima dhe vazhdojmë me qoftet e panxharit. I vendosim në enën ku duam t’i shërbejmë dhe sipas dëshirës, i hedhim sipër pak vaj ulliri.
Këshillë: Këto qofte mund të përgatiten edhe me lloje të tjera perimesh