Krijimi i një recete të re dhe origjinale kërkon kohë. Neritani thotë se beri disa eksperimente deri në rezultatin final.
Me përbërësit dhe kombinimin e duhur, shija e bakllavasë me kajmak nuk ngjan me asnjë ëmbëlsirë tjetër. Në fakt ky ishte qëllimi, kush e provon e konsumon deri në fund pa pendesë. Klientët dhe porositë vijnë nga i gjithë vendi, ndërsa bakllavaja me kajmak konsumohet në çdo stinë.
Neritani, e trashëgoi zanatin nga i ati, pastiçieri i famshëm Halit Rustemi. Ishte koha kur ëmbëlsirat bëheshin vetëm me përbërës bio.
Receta e bakllavasë me kajmak është sekret, por mjeshtri Rustemi rrëfen disa detaje nga procesi i prodhimit të saj.
Kjo është një recetë unike dhe e guximshme sepse kërkon përsosmëri gjatë gjithë përgatitjes.
Besnik i traditës, por eksplorues i shijeve te reja, Neritan Rustemi ka krijuar disa receta origjinale ëmbëlsirash mes të cilave spikat bakllavaja me kajmak.
