Xhudistja jonë, Erza Muminoviq nuk ka arritur t’i sjellë Kosovës medalje nga Kampionati Evropian i xhudos në grupmoshat U23, pavarësisht se ishte shumë pranë të bronztës.
Në kuadër të kategorisë deri në 52 kilogramë, Muminoviq u mposht në garën për medaljen e bronztë nga xhudistja gjermane, Annika Wurfel.
Muminoviq u mposht në fazën e repesazhit nga Wurfel, ku kjo e fundit fiton të bronztën nga kjo garë.
Në raundin e parë Muminoviq kaloi pa luftë, kurse në raundin e dytë e mposhti xhudisten spanjolle, Marina Diez Castello.
Në çerekfinale, Muminoviq u mposht nga hungarezja, Roza Gyertyas, gjë që bëri që xhudistja jonë ta vazhdojë garën në repesazh.
Raundin e parë të repesazhit Muminoviq e kaloi me sukses duke e mposhtur xhudisten zvicerane, Manon Monnard, por u ndal në fund nga xhudistja gjermane, Annika Wurfel.
