Media zvicerane ka zbuluar detaje të reja nga vdekja e një shqiptari të Kosovës në aksidentin që ndodhi sot në mëngjes.
“Blick” raporton se shoferi 46-vjeçar nga Kosova, u aksidentua në rrugën e Tigelbergstrasse drejt fshatit Berneck SG, përcjell Bota sot.
Ai për shkak të shpejtësisë së madhe, ka humbur kontrollin, duke dalë nga rruga dhe duke depërtuar një rrethojë/gardh.
Raportohet se shqiptari ishte hedhur nga vetura gjatë aksidentit, mirëpo ekipet e shpëtimit me të arritur në vendin e ngjarjes, kanë konstatuar vdekjen e tij.
Makina e zezë është shkatërruar tërësisht.
Policia e kantonit të St.Gallenit, ka deklaruar se po punojnë për të gjetur shkakun dhe rrethanat e aksidentit në fjalë./BS
