Sot në zonën e Hardturm, Zvicër, ka nisur festivali dy-ditor i shqiptarëve Alba.
Për këtë festival ka shkruar edhe medium zviceran “20minuten”, përcjell Bota sot.
Ky medium shkruan se përkundër temperaturave të larta, në këtë festival pritet që të marrin pjesë nga 10 mijë vizitorë në ditë.
“Dielli digjet pa mëshirë, derisa të shtunën në orën 14, Festivali Alba hapi dyert e tij. Bashkëprodhuesi Adem Morina shoqëron një artist përmes sigurisë në çadrën VIP. Një orë më vonë, zona e Hardturm është populluar pak, por Morina ka besim: "Supozoj se ne arrijmë qëllimin tonë që të kemi 10,000 vizitorë në ditë"”, shkruan “20minuten”.
“Në ndërkohë, të ftuarit, të cilët kanë ardhur herët, po kërkojnë ndonjë hije në tenda dhe në kabina të ushqimit. Nisin disa dhjetëra valle me tingujt e ngrohjes së parë të DJ”.
Festivali dy-ditor do të përfshijë tre DJ dhe mbi 16 artistë shqiptarë si dhe mikpritësen Mimoza Lekaj.
Në video, "zogjtë e hershëm" tregojnë pse erdhën në Festivalin Alba, çfarë i lidh ata me Shqipërinë dhe kë do ta përcjellin ata në këtë festival.
Video KETU./BS
