Florentino Perez është paraqitur në konferencë për shtyp për të bërë prezantimin trajnerit të ri të Real Madridit, Julen Lopetegui.
Lopetegui do të jetë trajner i ri i Real Madridit, ku do të zëvendësojë të larguarin Zinedine Zidane.
53 vjeçari një ditë më parë është shkarkuar nga drejtimi i Spanjës ku do të merrte pjesë në Kupën e Botës, pikërisht për arritjen e marrëveshjes me Real Madridin.
“Ne donim që këtë akt ta kryenin pas Kupës së Botës, por rrethanat na kanë sjellë këtu”, ka deklaruar Perez.
“Sot në Real Madrid e mirëpresim dikë që e njeh mirë këtë shtëpi, që ka treguar se është një profesionist”.
“I nderuar Julen Lopetegui , sot ju po ktheheni në shtëpi pas suksesit të madh në ekipin kombëtar”.
Perez tutje ka treguar se pse ka bërë publike marrëveshjen me trajnerin e ri, gjë e cila shkaktoi skandal te Kombëtarja e Spanjës.
“Ne menduam se komunikimi i kësaj marrëveshje duhej të bëhej shpejt si shenj e transparencës dhe normalitetit”.
“Duka e njoftuar para Kupës së Botës, ne donim të shmangim të gjitha llojet e spekulimeve dhe thashethemeve”.