Aktori spanjoll Fernando Terejo ka nisur një sfidë të bërë shumë shpejt virale nëpër rrjetet sociale, për një kauzë të rëndësishme. Ndotja e mjedisit është një temë serioze dhe një rrezik i madh vjen veçanërisht nga plastika (një material që kërkon shumë vite të tretet nga toka).
Persona me influencë në publik i janë bashkuar kauzës duke u fotografuar teksa kanë “ngrënë” qese plastike apo paketime të ndryshme plastike, një ide origjinale e sjellë në formë ironike për të pasqyruar shqetësimet që mund të sjellë në të ardhmen në planet abuzimi me këtë material.
