Shumica e qyteteve të botës po ballafaqohen me ndotjen apokaliptike të ajrit, por kryeqyteti i Mongolisë është ndër më të këqijtë në botë.
Problemi është i lidhur ngushtë me ndryshimet klimatike.
Vendi tashmë është ngrohur me 2.2 gradë, duke detyruar mijëra njerëz që të braktisin fshatrat dhe stilin e jetesës tradicionale çdo vit për në qytetet me smog, ku 90% e fëmijëve frymojnë ajër toksik çdo ditë.
Kryeqyteti i vendit ka në plan të ndalojë qymyrin e papërpunuar. Autoritetet duan t’i detyrojnë njerëzit të përdorin energji të pastër, por qymyri i përpunuar nga ana tjetër është i shtrenjtë për banorët.
