Tragjedi/ Defekt tek pajisjet e oksigjenit, shuhen të gjithë pacientët, familjari publikon ngjarjen e rëndë

Afrika

Tragjedi/ Defekt tek pajisjet e oksigjenit, shuhen të gjithë pacientët, familjari publikon ngjarjen e rëndë

Më: 6 janar 2021 Në ora: 15:14
Egjipt

Tragjedi e madhe në Egjipt, të gjithë pacientët që ndodheshin në kujdes intensiv kanë humbur jetën, pas një defekti në linjën e furnizimit me oksigjen.

Ngjarja e rëndë ka ndodhur në Spitalin Qendror El Husseineya në provincën Ash Sharqia, ku furnizimi me oksigjen ka rënë nën 2%.

Familjari i një prej pacientëve me Covid-19 ka filmuar të gjithë ngjarjen. Ai dëgjohet teksa thotë “të gjithë kanë vdekur. Të gjithë në kujdesin intensiv kanë vdekur”.

“Kanë mbetur vetëm infermierët”, thotë 66-vjeçari që sipas mediave vendase u arres tua pasi filmoi ngjarjen.

Në video duken disa pacientë të shtrirë në krevate, ndërsa stafi mjekësor nxiton t’i ndihmojë. Numri i pacientëve që humbën jetën nga ky incident nuk bëhet i ditur.

Një infermiere dallohet e dëshpëruar e ulur në një cep të dhomës, ndërsa ka raportime se ajo madje është gjobitur pasi “nuk punoi në një moment kaq kritik”.

Shfaq komentet
comments powered by Disqus
Sot mund të lexoni Shfletoni kopertinat