Një grua australiane ka vdekur nga një përplasje me jet ski në ishullin turistik të Tajlandës – Phuket.
Emily Jane Collie – 20 vjeçare, pësoi lëndime në qafë dhe supe nga aksidenti që ndodhi në dielën vonë në Kata Beach.
Zhytësit nuk mundën ta shpëtonin dhe ajo u deklarua e vdekur pas mbërritjes në spital aty pranë.
Sipas faqes së saj në Facebook, Collie ishte nga qyteti i vogël i Kyabram, në shtetin e Viktorias dhe kishte studiuar në Universitetin e Charles Sturt.
Partneri i saj, i identifikuar nga mediat australiane si Tom Keating, pësoi dëmtime të lehta.