Fillimi i vitit pa buxhet të miratuar ka bërë shefi i grupit parlamentar të LDK-së, Avdullah Hoti të cilësoi se koalicioni qeverisës është duke bërë pazar politik me 2.3 miliard euro të buxhetit të shtetit vetëm për të qëndruar në pushtet.
Sipas Hotit, është hera e parë që fillon viti pa qenë i miratuar buxheti.
Në një postim në rrjetin social ’Facebook’, shefi i grupit parlamentar të LDK-së, konsideron se buxheti i qytetarëve po përdoret për pazare politike me PSD-në vetëm për të qëndruar në pushtet.
Mes tjerash, Hoti i rëndit siç thotë ai problemet që i ka buxheti në vitin 2019.
“Buxheti edhe ashtu ka shumë probleme, siç janë,shpërndarja e investimeve kapitale nëpër komuna mbi baza politike, rritja enorme prej 27% e shpenzimeve për mallra, ulja e investimeve kapitale që mbulohen nga të hyrat e rregullta, mos reflektimi në buxhet i disa ligjeve që kanë implikime buxhetore etj”, ka shkruar ai.
Ndër të tjerash ky është postimi i tij i plotë:
Koalicioni PAN bënë pazar politik me 2.3 miliard euro të buxhetit të shtetit për të qëndruar në pushtet
Është hera e parë që nis viti pa buxhet të miratuar (përjashto vitin 2011 kur nuk ka pasur Kuvend për shkak të zgjedhjeve të dhjetorit 2010). Fatkeqësisht, koalicioni PAN po e përdor buxhetin e qytetarëve për pazare politike me PSD-në, vetëm e vetëm për të qëndruar në pushtet. Kjo është e vërteta.
Buxheti edhe ashtu ka shumë probleme, siç janë: - shpërndarja e investimeve kapitale nëpër komuna mbi baza politike, - rritja enorme prej 27% e shpenzimeve për mallra, - ulja e investimeve kapitale që mbulohen nga të hyrat e rregullta, - mos reflektimi në buxhet i disa ligjeve që kanë implikime buxhetore etj.
Me këto pazare politike vetëm sa zgjatet agonia institucionale që ka kapluar vendin me greva në shumë sektorë. LDK-ja nuk bëhet pjesë e kësaj maskaradë, e cila duhet marrë fund sa më parë.
