Kërkohet hulumtim për punësimet dhe ndikimet politike në PTK - Bota Sot
Kërkohet hulumtim për punësimet dhe ndikimet politike në PTK

Aktuale

Kërkohet hulumtim për punësimet dhe ndikimet politike në PTK

Më: 25 mars 2019 Në ora: 11:45
Komisioni Hetimor për gjendjen në PTK dhe Vala

Komisioni Hetimor për gjendjen në PTK dhe Vala ka nisë takimin e parë të punës në të cilin u kërkua që mandati i këtij komisioni të jetë gjashtë muaj.

Kryetari i këtij komisioni, Visar Ymeri, ka vlerësuar se një prej çështjeve me rëndësi për trajtim janë kontratat e dëmshme.

Ai ka shtuar se një hulumtim i detajuar duhet të bëhet edhe për ndikimet politike dhe punësimet në PTK.

Ymeri bëri me dije se hulumtimi i këtij komisioni për këtë ndërmarrje publike duhet të nisë prej vitit 2009.

Deputetja Albulena Haxhiu po konsideron se ky komision do të duhet që si fushëveprimtari ta këtë trajtimin e kontratave të dëmshme që PTK-ja i ka bërë me institucione të ndryshme, punësimet e fundit dhe ngecjet në zbatimin e kodit 383.

Ajo ka thënë se edhe pak i duhet Postës që të rrëzohet për toke.

Në ndërkohë, Milaim Zeka, iniciatori i këtij trupi parlamentar, kërkoi që të hetohen shpenzimet e menaxhmenteve duke filluar prej vitit 2008-2009.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...