Komandant “Cobra” zbulon se si e vranë komandantin serb në Koshare - Bota Sot
Komandant “Cobra” zbulon se si e vranë komandantin serb në Koshare

Aktuale

Komandant “Cobra” zbulon se si e vranë komandantin serb në Koshare

Më: 24 prill 2019 Në ora: 11:25
Komandant “Cobra”

Naser Vllasi, i njohur si komandant “Kobra”, gjatë betejës së Koshares, ka rrëfyer detaje interesante nga lufta në Kosovë.

Vllasi ka thënë se në ditën kritike të 11 prillit të vitit 1999, njëri nga zëvendëskomandantët nga vija e parë e frontit i kërkon ndihmë Agim Ramadanit.

“Agim Ramadanit i thonë se jemi në pozitë shumë të vështirë, do të na shfarosin të gjithëve. Agimi në atë moment thotë se të kthehemi ne dhe t’u ofrojmë ndihmë”.

“Kobra” thotë se ai nuk ishte fort dakord me këtë ide dhe ia propozoi një ide alternativë Agim Ramadanit.

“Unë thashë se duhet të japim koordinatat shpejt dhe të godasim, ndoshta do të ndikon psikologjikisht te armiku, dhe forcat që po sulmojnë pozicionet tona ndoshta do të tërhiqen. Agimi më tha “jo se dita është e gjatë”. Agimi pastaj më tha nëse ta merr mendja shko me “Kobrat” asgjëso mortajat në Oplas”, tha ai.

Ai rrëfen më tej se në zbatim të urdhrit të Agimit, gjatë luftimeve kanë vrarë një komandant të ushtrisë serbe.

“Ne kemi pasur leje të hapim zjarr pa urdhër të zinxhirit komandues, vetëm nëse vërejmë se është komandant i ushtrisë serbe. Për fat të mirë tonin ne i dëgjonim duke biseduar sepse kishim pisha para dhe nuk mund të vëreheshin. Komandanti i tyre del në livadh dhe Fadil Maloku sapo e vëren gjuan mbi të dhe e vret. Ishte pa armë dhe kapelën e kishte në krah. Fadili nga frika se mos nuk e ka vrarë ka vazhduar të shtie mbi të”, tregon më tej Naser Vllasi.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...