Dakordohen për rritje të bashkëpunimit në fushën e turizmit - Bota Sot
Dakordohen për rritje të bashkëpunimit në fushën e turizmit

Aktuale

Dakordohen për rritje të bashkëpunimit në fushën e turizmit

Më: 24 prill 2019 Në ora: 16:03
Foto ilustrim

Ministri i Tregtisë dhe Industrisë, Endrit Shala, ka pritur sot në takim kryetarin e Komunës së Ulqinit Loro Nrekiç, me të cilin kanë diskutuar për thellimin e bashkëpunimit në fushën e turizmit në mes dy vendeve.

Ministri Shala theksoi se Qeveria e Kosovës është duke punuar që turizmin ta zhvillojmë edhe më shumë, që edhe qytetarët e rajonit të vijnë dhe ta vizitojnë Kosovën.     

“Me krijimin e Departamentit të Turizmit ne po krijojmë politika të reja të zhvillimit të turizmit në Kosovë, kryesisht në vendet që janë të njohura. Po inkurajojmë zhvillimin e infrastrukturës që t’iu krijojmë kushte sa më të mira turistëve që vijnë nga vendet e rajonit për të parë bukurit e vendit tonë. Besoj dhe shpresoj që bashkëpunimi në mes Kosovës dhe Ulqinit nuk do të jetë më vetëm në një rrugë me një kah, por të bëhet një bashkëpunim reciprok dhe ta krijojmë një turizëm të kombinuar”, tha ministri Shala.

Po ashtu ministri me kryetarin e Ulqinit u dakorduan për eliminimin e ngarkesave në mes të dyjave vendeve, që të rritet potenciali turistik Kosovë-Mali i Zi.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...