Nga sa fëmijë i kanë gratë e kthyera nga Siria - Bota Sot
Nga sa fëmijë i kanë gratë e kthyera nga Siria

Aktuale

Nga sa fëmijë i kanë gratë e kthyera nga Siria

Më: 24 prill 2019 Në ora: 20:43
Ilustrim

32 gra janë kthyer nga Siria të premten pas një aksioni masiv të rikthimit të kosovarëve nga atje. Të njëjtat, dje dhe sot, kanë dalë para Gjykatës në Prishtinë nën dyshimin se të pandehurat që nga viti 2014 e deri me datë 20.04.2019, kanë qenë në zonën e konfliktit Siri-Irak.

KALLXO.com posedon informacione për njëmbëdhjetë nga këto gra, të cilat kanë fëmijë nga martesat e tyre e që janë gjithsej 28 fëmijë.

Sh.T ka katër fëmijë,

L.I ka katër fëmijë (fëmijë më i madh është i moshës 7 vjeçare dhe më i vogli është 9 muaj),

N.H ka katër fëmijë,

V.A ka tre fëmijë,

V.I ka tre fëmijë (3 muaj, 4 vjeç dhe 2 vjet e gjysmë),

E.S ka dy fëmijë,

A.A ka dy fëmijë,

D.D ka dy fëmijë,

J.L ka dy fëmijë (1 vjeç dhe 3 vjeç),

M.T ka një fëmijë,

G.L-K ka një fëmijë,

Gjatë ditës së djeshme është mbajtur seanca për grupin e parë prej dhjetë grave. Ndërsa sot 18 gra të tjera kanë dalë para Gjykatës.

Te gjithave, Gjykata ju ka caktuar arrest shtëpiak.

Ata kanë qenë duke qëndruar në Siri në kohën e luftimeve, bashkë me burrat përkatësisht baballarët e tyre.

Nga Siria bashkë me rreth 110 persona të tjerë, kryesisht gra e fëmijë të kosovarëve që kanë luftuar përkrah grupeve të ndryshme në Siri e Irak. Në këtë grup janë kthyer edhe katër të dyshuar për pjesëmarrje si luftëtarë në këto luftëra.

Gjykata e Prishtinës ka caktuar masën e paraburgimit ndaj Arijan Kryeziut, Visar Qugovcit dhe Agon Misinit. Me vendimin e kësaj Gjykate tre të dyshuarit do të qëndrojnë për 30 ditë në paraburgim. Masa e njëjte iu caktua edhe të dyshuarit të katërt R.T., i mitur.

Nga 110 të kthyerit , 32 prej tyre kanë qenë gra dhe 74 fëmijë, të cilët kanë qëndruar në Qendrën e Azikkërkuesve në Vranidoll të Prishtinës, për tri ditë me radhë apo 72 orë.

Megjithëse 110 shtetas kosovarë janë kthyer nga Siria, mbi 80 të tjerë vazhdojnë të jenë në zonat e konfliktit.

Sipas të dhënave në Siri vazhdojnë të jenë rreth 30 luftëtarë, 49 fëmijë dhe tetë gra.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...