Zëvendës ndihmësi i sekretarit të Shtetit për Evropë dhe Euroazi Matthew Palmer deklaroi sot në Beograd se taksa e vendosur nga Prishtina zyrtare është pengesë në dialogun në mes të Kosovës dhe Serbisë, dhe rrugën e tyre evropiane, dhe se Uashingtoni dëshiron që ato të hiqen.
Palmer shprehu besimin se takimi në Paris më 1 korrik, do të jetë konstruktiv dhe do të "sjellë Beogradin dhe Prishtinën drejt marrëveshjes, e cila do të sjellë normalizimin e marrëdhënieve."
I pyetur nëse SHBA do të përfshihet në mënyrë aktive në këto negociata, për të ndihmuar përshpejtimin e procesit të zgjidhjes së marrëdhënieve, Palmer theksoi se SHBA mbështet plotësisht atë që partnerët dhe aleatët e tyre evropianë punojnë për të lehtësuar dialogun mes Beogradit dhe Prishtinës.
