Kryetari i Lëvizjes Vetëvendosje Albin Kurti, ka qëndruar në ishullin e Kretës në Greqi, ku ka marrë pjesë në Symi Symposium edicioni i 21-të.
Siç njofton Kurti në Facebook, temë e këtij edicioni ishte "Demokracia dhe Fuqia - Nga Hybris te Nemesis: në kërkim të një paradigme të re për shoqëri të përbashkëta.
Njoftimi i Kurtit:
Gjatë kësaj jave mora pjesë në Symi Symposium, edicioni i 21-të i të cilit sivjet u mbajt në ishullin e Kretës në Greqi. Tema kësaj radhe ishte "Demokracia dhe Fuqia - Nga Hybris te Nemesis: në kërkim të një paradigme të re për shoqëri të përbashkëta". Diskutimet u zhvilluan sipas rregullit Chatham House e si zakonisht pjesëmarrës ishin personalitete të shquara me profile e nga vende të ndryshme të botës. Ishte kënaqësi të bashkëbisedoja me ta, të prezantoja në panelin për Ballkanin si dhe privilegj të jem në panelin e përmbylljes së punimeve mbrëmë.
