Presidenti i Kosovës, Hashim Thaçi, ka ngushëlluar familjen e doktor Gazmend Shaqirit, përcjell “Bota sot”.
Thaçi këtë e ka bërë të ditur përmes një postimi në Facebook i cili ka shkruar se doktor Gazmendi me kontributin e tij në shëndetësi, por edhe me angazhimet e tij të përgjithshme në shoqëri ka treguar çfarë është të jesh profesionist.
Ndryshe, sot pas një sëmundjeje të rëndë ka ndërruar jetë profesori nga Kosova ,Dr. Gazmend Shaqiri.
Postimi i plotë:
Ngushëllime familjes Shaqiri dhe kolegëve e miqve për vdekjen e doktor Gazmendit. Shteti, shoqëria, ndërtohen kur secili prej nesh bën më të mirën në profesionin e vet. Doktor Gazmendi me kontributin e tij në shëndetësi, por edhe me angazhimet e tij të përgjithshme në shoqëri, ka treguar çfarë është të jesh profesionist. HTH
