Profesori universitar Enver Bytyçi, ka reaguar pas dorëheqjes së kryeministrit Ramush Haradinaj nga posti i tij.
Përmes një postimi në llogarinë e tij në Facebook, ai ka thënë se Haradinaj dha dorëheqje dy herë, jo si kryeministër, por si qytetar i Kosovës, përcjell Bota sot.
Bytyçi ka thënë se Vuçiq, Thaçi dhe Rama po përpiqen ta lidhin dorëheqjen e Haradinajt me llogaritë politike të tij.
“E turpshme se si mendojnë në këtë rast njësoj e në koordinim me njëri-tjetrin, si Rama, Thaçi dhe Vuçiç! Ndërkaq Hashim Thaçi në një intervistë për APA njoftoi se do ta rikthejë në agjendë korrigjimin e kufijve!” ka shkruar ndër të tjera Bytyçi në Facebook.
Postimi i tij i plotë:
Ramush Haradinaj dy herë dha dorëheqje për të shkuar në Hagë, jo si kryeministër, por si qytetar i Kosovës. Njëherë në vitin 2005 dhe ditën e djeshme.
Ai dëshmoi, si rrallë herë në realitetet historike politike të shqiptarëve, se Kosova, atdheu dhe kombi qëndrojnë mbi pushtetin dhe interesat e tij!
Veç kësaj, ai dha një model civilizimi. Por presidenti i Serbisë, Vuçiç, presidenti i Kosovës, Thaçi, dhe kalemxhijnjtë e Ramës në Tiranë po përpiqen ta lidhin dorëheqjen e Haradinajt me llogaritë politike të tij! E turpshme se si mendojnë në këtë rast njësoj e në koordinim me njëri-tjetrin, si Rama, Thaçi dhe Vuçiç! Ndërkaq Hashim Thaçi në një intervistë për APA njoftoi se do ta rikthejë në agjendë korrigjimin e kufijve!
Flini më pak njerëz dhe bashkohuni kundër të keqes!
