Profesori ndërkombëtar, Enver Bytyçi, nëpërmjet një deklarate në Facebook, ka komentuar ngjarjet e fundit.
Ai, ka thënë se akuzat ndaj Vjosës se është shërbëtore e Serbisë dhe se ajo ka mbështet marrëveshjet e Thaçit me Serbinë, nuk qëndrojnë.
Sipas tij, Vjosa u kërkon mbështetje qytetarëve të Kosovës për ta rrëzuar Hashim Thaçin nga posti i presidentit.
Më tej, profesori, theksoiu se Albin Kurti kërkon mbështetjen e votuesve për të bashkëpunuar me Hashim Thaçin.
Postimi plotë:
Lexova një status të një eksponenti të Vetëvendosjes. Ai e akuzon Vjosën si shërbëtore të Serbisë, se paska qenë dakord me planin Ahtisaari, se paska mbështet marrëveshjet e Thaçit me Serbinë dhe se qenka kundër bashkimit kombëtar.
Por Vjosa u kërkon mbështetje qytetarëve të Kosovës për ta rrëzuar Hashim Thaçin nga posti i presidentit. Ndërsa Albin Kurti u kërkoi mbështetje votuesve për të bashkëpunuar me Hashim Thaçin. A thua kush mund të jetë shërbëtor i Serbisë: - Ai që e mbështet Hashim Thaçin në aventurën e tij proserbe dhe antikosovare, apo ajo që premton shkarkimin e tij?!
Ndërkaq u bëj thirrje liderëve të LDK-së dhe të VV të ndalin fushatën kundër njëri-tjetrit. Nëse e duan Kosovën të dy këto parti duhet të bashkohen kundër të keqes së madhe, e cila e ka emrin PRONTO dhe Hashim Thaçi!