Zëvendëskryeministri i Republikës së Kosovës, Driton Selmanaj, ka pritur sot në takim njoftues ambasadorin e Shteteve të Bashkuara të Amerikës në Kosovë, Philip Kosnett.
Selmanaj përmes një shkrimi në Facebook thotë se në takim i ka shprehur falënderimet më të përzemërta ndaj ambasadorit Kosnett për mbështetjen e vazhdueshme të SHBA-së ndaj Republikës së Kosovës.
Mes tjerash, zëvendëskryeministri thotë se të dy, u zotuan që të thellohet bashkëpunimi ndërmjet dy vendeve tona, duke pohuar kështu besnikërinë e Qeverisë së Kosovës ndaj SHBA-së.
Ja shkrimi i tij:
Sot pata nderin dhe kënaqësinë ta pres në takim Ambasadorin e SHBA-ve në Kosovë z.Philip S. Kosnett.
Në takim i shpreha falënderimet më të përzemërta ndaj ambasadorit Kosnett për mbështetjen e vazhdueshme të SHBA-së ndaj Republikës së Kosovës.
Të dy, u zotuam që të thellohet bashkëpunimi ndërmjet dy vendeve tona, duke pohuar kështu besnikërinë e Qeverisë së Kosovës ndaj SHBA-së.
Me këtë rast, e njoftova Ambasadorin Kosnett për disa nga prioritetet e qeverise Hoti,siq janë: luftimi i korrupsionit, reformat në drejtësi, si dhe zhvillimi i dialogut.
Ndërsa, ambasadori Kosnett tha se Shtetet e Bashkuara do të vazhdojnë mbështetjen e tyre për Kosovën, sidomos në përpjekjet për të përmirësuar marrëdhëniet rajonale, mbështetjen e zhvillimit ekonomik dhe forcimin e sundimit të ligjit – përfshirë këtu edhe luftën kundër korrupsionit.Sot