Pasi u mor vendimi nga Gjykata Themelore në Prizren, për serbin Drko Tasiq, të dënohet me 22 vjet burg, i akuzuar për krime lufte gjatë vitit 1999, qytetarët e Prizrenit kanë sulmuar veturën e Shërbimit Korrektues.
Të revoltuar për krimet e kryera të Tasiqit, 21 vjet më parë, në luftën e fundit në Kosovë, prizrenasit nuk janë përmbajtur kur Tasiq ka dalur nga Gjykata dhe është nisur për në burg.
Aktakuza e PSRK-së e ngarkon të akuzuarin Tasiq edhe me përdhosjen e trupave të pajetë, duke i djegur kufomat së bashku me forcat tjera policore dhe paramilitare dhe duke i hedhur kufomat në lumin Drin, në një vend jashtë fshatit Krushë e Vogël.