Avokati Tomë Gashi në emisionin Pressing, ka thënë se pas kryetarit të Vetëvendosjes, Albin Kurti, më e duhura për udhëheqje do të ishte kryetarja e Kuvendit të Kosovës, Vjosa Osmani.
“Pas Albinit, më e duhura për udhëheqje do të ishte Vjosa Osmani”, është shprehur Gashi.
Ndërsa për kryeministrin aktual, Avdullah Hotin, Gashi tha se nuk mund të udhëheqë pa presidentin e vendit, Hashim Thaçi.
“Hoti nuk mund të udhëheqë pa Thaçin”, ka thënë ai.
Ai tutje thotë se shpreson që presidentit Hashim Thaçi, të mos i konfirmohet aktakuza nga Prokuroria Speciale pasi që do të rezantonte keq mbi shtetin e Kosovës, dhe në këtë rast mbi një institucion të lartë sikur është presidenti i vendit.
Gashi poashtu thotë se po të ishte në situatë të njëjtë, Vjosa Osmani apo ish-kryeministri Albin Kurti, atëherë nuk do të ngurronin që të udhëhiqnin dialogun.
