Ish-bashkëluftëtari i Sali Çekajt, Saim Tahiraj, përmes një postimi në Facebook, i ka dalë në krah kryeministrit aktual të Kosovës, Avdullah Hoti, derisa thotë se sukseset e kësaj qeverie janë historike.
Veprimtari i hershëm i LDK-së, ka deklaruar se këto suksese, po i pengojnë LPK-së, dhe, sipas tij, tashmë janë në një ofensivë kundër partisë së Isa Mustafës.
Tutje, Tahiraj shkruan se fatkeqësisht, janë edhe disa të ashtuquajtur Rugovistë që i janë bashkuar këtij kori monoton, me arsyetimin se gjëja po e mbrojnë Rugovizmin, duke aluduar në krahun e Vjosa Osmanit.
Ja shkrimi i tij:
Si çdo herë, përsëri kori famëkeq i LPK-së në ofensivë kundër LDK -së!
Sukseset Historike të Kryeministrit Hoti i ka tmerruar LPK-istët , andaj janë bashkuar në një ofensivë të pandershme kundër LDK-së dhe Qeverisë Hoti!
Fatkeqësisht, edhe disa të ashtuquajtur Rugovistë i janë bashkuar këtij kori monoton , me arsyetimin se gjëja po e mbrojnë Rugovizmin.
Thua se ju a ka lënë me tapi Rugova dhe e kanë shndërruar në pronë private të tyre, sa qesharake po aq e dëmshme.