Ministri i Punëve të Brendshme dhe Administratës Publike, Agim Veliu, në seancën e mbajtur në Kuvendin e Kosovës, ka thënë se policët, do t’i marrin pagat e orëve që kanë bërë deri më tani.
Ai tha se këto mjete do të ndahen me pagën e shtatorit.
“Kemi pasur takim me sindikatën e Policisë së Kosovës, e jemi dakorduar me to që të paguhen orët shtesë të papaguara deri më tani, pagën e shtatorit, e po ashtu një shumë e mjeteve për të cilën jemi dakorduar, do të paguhet me pagën e shtatorit”, ka thënë ministri Veliu.