Ministri i Ekonomisë dhe Ambientit, Blerim Kuçi në mbledhjen e sotme të Qeverisë së Kosovës tha se duhet kërkuar falje Jakup Krasniqit dhe familjes së tij për trajtimin qe i është bërë dy ditë më parë, me bastisje nga EULEX, ku siç e quajti ai trajtim jo i dinjitetshëm.
“Qeveria jonë t’i kërkojë falje Krasniqit dhe familjes së tij për këtë trajtim të jo dinjitetshëm. Ministria e Brendshme dhe e Drejtësisë të ketë rol më aktiv që raste të tilla mos të ndodhin. Kjo ka të bëjë edhe me sigurinë por për mua ka të bëjë me trajtimin e jo dinjitetshëm të vlerave të historisë”, tha Kuçi në mbledhjen e ekzekutivit qe po mbahet pas zhvillimeve të fundit nga hetuesit e Speciales në bashkëpunim me EULEX-it.
