LDK-ja e ka caktuar Avdullah Hotin si kandidat për kryeministër për zgjedhjet e reja që do të mbahen së shpejti në vend.
Këtë e ka bërë të ditur kryetari i kësaj partie Isa Mustafa, pas mbledhjes së kryesisë.
Lidhur me këtë, Hoti është shprehur mirënjohsë për besimin që partia e tij i ka bërë punës së Qeverisë.
“Jam tepër i kënaqur që LDK-ja i ka bërë vlerësimin punës së qeverisë. Është arritur të bëhet një punë e jashtëzakonshme. Mbi bazën e kësaj jam mirënjohës për besimin që e kam marr të plotë që të jem kandidat i LDK-së për këto zgjedhje”, tha ai.
“Besoj që gjatë këtyre muajve kemi dhënë evidencë të fortë në gjërat kryesore nga sundimi i ligjit, kthimi i partneritetit, luftës së jashtëzakonshme kundër pandemisë. Ditëve të ardhshme do të dalim me ofertën”.
Hoti është shprehur i sigurt që LDK-ja është favorite në këto zgjedhje.
“Jam i bindur që ne jemi favoriti kryesor për t’i fituar këto zgjedhje, bazuar në punën e kësaj qeverie, e jo në fluskat që i dëgjojmë poshtë e lartë”.
