Kandidati për deputet nga radhët e Vetëvendosjes, Fitim Uka, thotë se Llapi frymon Vetëvendosje.
Uka përmes një shkrimi në Facebook, ka shkruar se në Llap “djem dhe vajza, burra dhe gra, të rinjë e të moshuar na falën dashni e mbështetje. Krejt dhe drejt… “, ka shkruar Uka.
Postimi i plotë:
E premtja më gjeti në Llap, në vendlindjen e babës, të gjyshit e të stërgjyshit. Llapi frymon Vetëvendosje. Djem dhe vajza, burra dhe gra, të rinjë e të moshuar na falën dashni e mbështetje.
Krejt dhe drejt…
bashkë me shokun e kolegun dr.
Fitim Haziri
(#36), stomatologun që e dëshmoi veten edhe në mandatin e kaluar duke ngritur zërin në Kuvend kundër parregullsive dhe padrejtësive, korrupsionit e keqpërdorimit, sidomos në shëndetësi, aktivistin e Lëvizjes që ishte edhe kryesues i Grupit të Këshilltarëve të Lëvizjes VETËVENDOSJE! Në Besianë;bashkë me bacin, me
Fatmir Humolli
(#47), ikonën e gjallë të angazhimit kundër regjimit serb, zërin e Lëvizjes Kombëtare për Çlirimin e Kosovës, njeriun e dashur të Llapit;bashkë me aktivistin e ri e të jashtëzakonshëm të Lëvizjes, me
Vendenis Lahu
(#76), doktorin e ri e të talentuar që shërbeu në Klinikën e Neurologjisë në njësinë anti-COVID dhe ish-asambleistin e Vetëvendosjes nw Besianw;bashkë me
Halil Thaçi
(#81), kryetar i Qendës së Lëvizjes VETËVENDOSJE! në Kastriot dhe biznesmenin e suksesshëm;bashkë me
Driton Hyseni
(#105), ish -ushtarin e UÇK-së, ish-oficerin e Trupave Mbrojtëse të Kosovës, me studime pasuinversitare në Krems të Austrisë dhe në Montreal të Kanadasë, që udhëheq me menaxherin për koordinimin e fluturimeve në Aeroportin Ndërkombëtar të Prishtinës…
…për Llapin e për krejt Kosovën!
