Një rrahje ka ndodhur në Minierën e Trepçës, mes zyrtarëve të saj.
Mësohet se zëvendëskryeshefi i Minierës së Trepçës, Rafet Ibishi dhe drejtori i Financave, Fahredin Berisha kanë goditur njëri-tjetrin me boks.
Rastin e ka konfirmuar edhe Policia Rajonale e Mitrovicës.
“Është raportuar për një rast sulm në Minierë të Trepçës, janë intervistuar personat, të cilët më pas janë liruar në procedurë të rregullt”, ka thënë Avni Zahiti, zëdhënës i Policisë për rajonin e Mitrovicës.
Arsyeja e rrahjes mes tyre nuk dihet, por kjo ka ndodhur pas mbledhjes së Bordit.
