Specializantët nga Gjakova protestojnë para MSH-së, kërkojnë përfshirjen në paga

Aktuale

Specializantët nga Gjakova protestojnë para MSH-së, kërkojnë përfshirjen në paga

Më: 18 shkurt 2021 Në ora: 13:07
Foto ilustrim

Specializantët nga Qendra Kombëtare e Mjekësisë së punës nga Gjakova, të enjten kanë protestuar para objektit të Ministrisë së Shëndetësisë në Prishtinë, për shkak siç janë shprehur ata të diskriminimit dhe mospërfshirjen në paga.

Arianit Zajmi, Specializant i Neurologjisë në këtë protestë tha që kanë fituar specializimin në mënyrë të drejtë dhe të rregullt në bazë te konkursit, por që janë diskriminuar sepse nuk kanë pasur trajtim të barabartë.

“Nga 15 specializantë vetëm dy marrin pagë, një ndër ta është edhe djali i zëvendësministrit të Shëndetësisë, dhe ne po kërkojmë të drejtat tona” tha Zajmi.

Ai tutje tha që prej se kanë nënshkruar kontratat vetëm shëtiten.

“Që kur kemi nënshkruar kontratat ne vetëm endemi, dhe mund të them që nga titulli mjek specializant e kemi fituar titullin mjek shëtitës” u shpreh ai.

Drejtori i ShSKUK-së, ministri dhe përfaqësues tjerë nuk u kanë dhënë përgjigje, tha ai.

“Ne si specializant jemi me profile të ndryshme, por vetëm dy janë me pagesë. Do vazhdojmë me protesta, dhe jo vetëm dy të paguhen e ne tjerët jo” përfundoi ai.

commentFirst article
Sot mund të lexoni Shfletoni kopertinat