Lidhja Demokratike e Kosovës, ka marr vendim që deputetët e saj të qëndrojnë në sallën e Kuvendit kur të votohet Vjosa Osmani për presidente të Republikës së Kosovës.
E këtë vendim të kreut të LDK-së, Lumir Abdixhikut, e ka përshëndetur opinionisti dhe analisti politik, Faik Krasniqi.
Ai përmes një postimi në Facebook, shkruan se, ky veprim i Abdixhikut është me logjikë të shëndoshë dhe jo me mendjen e Agim Veliut.
Sipas tij, shkuarja në zgjedhje në këtë gjendje që gjendet LDK-ja do të ishte fatale për të dhe do të harrohej rezultati i 14 shkurtit.
Ai thotë se ky veprim është shpresë që LDK të reformohet rrënjësisht.
Postimi i plotë:
Kryetari i LDK-së, Lumir Abdixhiku ka vepruar me logjikë të shëndoshë, dhe jo me mendjen e Agim Veliut dhe shumë mendjeve të tilla brenda LDK-së.
Shkuarja në zgjedhje në këtë gjendje që është LDK-ja, do të ishte fatale për të. Do të harrohej rezultati i 14 shkurtit.
Veprimi i tij jep shpresë që LDK do të reformohet rrënjësisht, pa ata që e kanë katandisur aq keq.
Prandaj të zgjidhet presidenti sa më shpejt, te sigurohen sa më shumë vaksina, të veprohet sa më shpejt për hapjen e Bankës Zhvillimore, LDK dhe PDK të reformohen rrënjësisht, dhe Kosova do të ec përpara në çdo aspekt. Kosova dhe qytetarët e saj mbi të gjitha!