Kryeministri i Shqipërisë, Edi Rama është takuar me presidentin e Serbisë, Aleksandër Vuçiq dhe kryeministrin e Maqedonisë, Zoran Zaev, për të diskutar në lidhje me“Mini Shengenin” Ballkanik.
Këtë gjë nuk e ka mirëpritur, drejtori ekzekutiv i Institutit EPIK, Demush Shasha i cili tha se përmes “Mini-Shengenit”, po synohet konsolidimi i ndikimit të Serbisë në Ballkan, transmeton “Bota sot”.
Shasha përmendi edhe tri dallimet në mes iniciativës së BE-së për “Tregut të Përbashkët Rajonal” dhe idesë së Rama-Vuçiq-Zaev për “Mini-Shengenin”.
Postimi i plotë
Ka së paku tre dallime thelbësore në mes iniciativës së BE-së për “Tregut të Përbashkët Rajonal”, në kuadër të procesit të Berlinit, dhe idejes së Rama-Vuçiq-Zaev për “Mini-Shengenin”.
E para vendos në lidership Gjermaninë, e dyta vendos Serbinë.
E para përfshinë të gjitha shtetet mike të Kosovës dhe zvogëlon rolin e Serbisë, e dyta i përjashton të gjitha shtetet mike të Kosovës dhe rrit rolin e Serbisë.
E para ka synim integrimin në BE-në, e dyta ka synim konsolidimin e ndikimit të Serbisë në Ballkan.