Ish-ministri i shëndetësisë dhe njëherëshit kandidati për kryetar të komunës së Prishtinës, pak minuta më parë është deklaruar për media në lidhje me pritjet e tij nga rezultatet preliminare.
Ai u shpreh se ekipet po punojnë për rezultatet përfundimtare dhe se mbi të gjitha ky process është për tu lavdëruar.
“Ekipet po punojnë për rezultatet, një pjesë e vogel kanë arritur mirëpo po presim të gjitha rezutatet që të vendosim fitoren. Deri tani me 30% nuk mund të themi nëse kemi fituar apo jo, e rëndësishëm është që sot ka pasur proces të rregullt të qytetarëve dhe mbi të gjitha ka fituar demokracia”, theksoi ai.
I pyetur nëse ka pasur ndonjë parregullësi, ai shprehet se ka pasur një proces të jashtëzakonshëm të rregullt për këtë arsyje duhet të falënderojm institucionet.
“Jo nuk ka pasur asnjë parregullsi, e kjo është një arritje jashtëzakonshem që mund të na e kanë lakmi e gjith rajoni, pasi nuk ka pasur asnjë raportim të ndonjë problemi serioz, andaj falenderoj gjithë institucionet”, thotë ai.
Ndërsa i pyetur nëse është i zhgënjyer nga ky rezultat, ai thotë që nuk është i zhgënjyer dhe pret të dalin gjitha rezultatet.
“Jo në asnjë moment nuk jam i zhgënjyer as VV pavarësisht që deri tani ne prijm dukshëm para kandidantëve të tjerë dhe nuk ka asnjë arsyje për zhgënjim”, u shpreh Vitia./BS
