Gajtë ditës së nesërme pritet të mbahet takimi ndërmjet Vuçiqit dhe Ramës për projektin e “Ballkanit të Hapur”.
Për këtë, ka reaguar edhe publicist Emin Azemi.
Ai në një postim në Facebook tha se “Udhëtimi i Ramës në Beograd po ndodhë mu në kohën kur Serbia për çdo ditë na befason me ide e veprime destruktive kundrejt Kosovës. Mosleximi drejt nga ana e Ramës e kësaj ndjeshmërie të Kosovës, na shpie në vitet e hershme 1946,47”, përcjell “Bota sot”
Postimi i plotë
Nesër në Beograd vazhdon cirkusiada e quajtur "Ballkani i hapur", por pa Zoran Zaevin. Edi Rama ende me kokëfortësi po i beson naivitetit të tij se me Vuçiqin ia vlen me "lidhë kastraveca".
Politikën e jashtme shqiptare ai vazhdon ta projektojë si utopi që brenda e ka edhe "botën serbe". Udhëtimi i Ramës në Beograd po ndodhë mu në kohën kur Serbia për çdo ditë na befason me ide e veprime destruktive kundrejt Kosovës. Mosleximi drejt nga ana e Ramës e kësaj ndjeshmërie të Kosovës, na shpie në vitet e hershme 1946,47 kur Beogradi bëhej krevati i butë i gjumit të udhëheqësve të atëhershëm shqiptarë, ndërkohë që inkuizicioni i OZNAs shpikte metodat më të sofikstikuara për tredhjen e shqiptarëve të Kosovës....
OPEN BALLKAN është një gropë septike të cilën Serbia e ka hapur për të kamufluar ambiciet e saj hegjemoniste në dëm të Kosovës, por edhe me bekimin e kryeminstrit Rama!
