Kryetari i komunës së Obiliqit, Xhafer Gashi, ka rezultuar pozitiv me COVID-19.
Këtë e ka bërë të ditur vetë ai përmes një postimi në rrjetin e tij social Facebook.
Ai ka thënë se pasi ka pasur disa simptoma të pazakonta, i është nënshtruar testitmit për COVID-19 dhe ka rezultuar pozitiv.
Gashi ka thënë se gjendja e tij është stabile, derisa ka kërkuar nga qytetarët që të respektojnë masat Anti-COVID.
Shkrimi i plotë i tij:
Të nderuar qytetarë,
Si rezultat i shfaqjes së disa simptomave të pazakonta, jam nënshtruar testimeve për Covid-19 dhe kam rezultuar pozitiv.
Gjendja ime shëndetësore është stabile, gjendem në vet-izolim dhe duke i respektuar të gjitha masat antiCovid-19.
Falënderoj stafin mjekësor të QKMF-së, në Obiliq, për shërbimet dhe kujdesin gjatë trajtimit në ambulantën antiCovid-19.
Përkushtimi dhe puna në shërbim të qytetarëve po vazhdon me intensitetin e njëjtë ndërsa unë do të punoj nga shtëpia deri në stabilizimin e gjendjes shëndetësore.
Meqë përhapja e këtij virusi ka filluar të shënojë ngritje,kërkoj që të respektoni rekomandimet e institucioneve shëndetësore!
Xhafer Gashi
